Nýtt Ísland

Ríkisstjórn Steingríms Joð berst fyrir því að viðhalda gæðingakerfinu sem Samfylking, Framsóknarflokkur og Sjálfstæðisflokkur byggðu. Kerfi þeirra sem geta í gegnum pólítíska hjarðhegðun haldið sínum störfum og kjörum eftir hrunið. Störfum sem ríkið ræður yfir.  Það er alveg á hreinu að búið er að skapa hér millistjórnendakerfi sem getur ekki staðið undir sér.

Knútur Hauksson forstjóri ríkis-fyrirtækisins Heklu er einnig framkvæmdastjóri Handknattleikssambands Íslands. Fyrir hvort tveggja teljum við að hann þiggi allt að 1.5 milljónir króna á mánuði. Í öllu atvinnuleysinu í dag er störfum og tækifærum ekki jafnt skipt á vegum ríkis. Fullt er að t.d. góðu menntuðu fólki haldið frá því að geta gengið í þessar stöður. 

Í fyrsta lagi ætti að finna nýjan forstjóra hjá Heklu. Knútur var einn stjórnenda Heklu sem rak sig á hausinn. Í öðru lagi þá hefur Knútur það ágætt sem framkvæmdastjóri HSÍ. Í þriðja lagi má búast við því að Knútur sitji í einhverjum stjórnum og nefndum sem hann þiggi auka greiðslur fyrir. Þetta er Nýja Ísland. Þar sem gæðingakerfi fjórflokksins er haldið óbreyttu. Fáir gæðingar sem raka inn tekjur undir styrkri stjórn Jóhönnu og Steingríms.  Frambærilegu og hæfu fólki  er bent á Vinnumálastofnun, það getur aldrei fengið séns á því að ganga í starf forstjóra ríkis-Heklu.